En Dram …, eng Perspektiv …, eng Famill … an de richtege Moment, esou ass et zu „DEBIOBUTTEK” komm.

Mir sinn d’Mona an d’Milly Lauterbour an zesumme mat eisen Elteren hu mir „DEBIOBUTTEK” S.à r.l gegrënnt. Eis ass et wichteg, e kléngen Deel zou der Gesondheet an dem Wuelbefannen vu Mënsch an Ëmwelt bäizedroen, an dat an der Stad Déifferdeng.

Hei maache mir „DEBIOBUTTEK” op, esou wéi mir eis en och als Client ëmmer gewënscht hunn, mat frësche Liewensmëttel vu beschter Qualitéit, mat kompetenter Berodung an enger familiärer, entspaanter Atmosphär.

„DEBIOBUTTEK” ass an zwee Schrëtt entstaanen:

Pop Up Store vum 2.10.2017 bis Juli 2018 an der Cafeteria vu Flower Werding

An der Zäit goufen um Site vu Flower Werding déi al Gemaier ëmgebaut a renovéiert.

Am September 2018 huet dann hei „DEBIOBUTTEK” séng nei Dieren opgemaach an offréiert Iech e komplett Sortiment vu Liewensmëttel an aner Produkter a Bio Qualitéit.

An der Buttek Area

All Dag frëscht Biobrout a Gebäck

Uebst, Geméis a Mëllechprodukter

Naturkosmetik an dekorativ Biokosmetik

Téi a Kraider, Müsli an Deegwueren

a nach villes méi

An der Kaffi & Téi Area

An eisem Bistro Eck kritt Dir Gedrénks an e gudde Maufel fir moies, mëttes, nomëttes an tëschenduerch.

Samschdes vun 9:00-12:00 bidde mir Iech verschidde Varianten vu Moiesiessen.

Fir déi Kleng hu mir och e Spilleck.

Adress

120, Avenue Charlotte, L–4531 Differdange

Kontakt

T 24 55 86 48 | M hello@debiobuttek.lu

Ëffnungszäiten

vu Méindes bis Freides 9:00 bis 18:30
Samschdes vun 8:30 bis 16:30

Heures d‘ouverture

du lundi à vendredi de 9:00 à 18:30
samedi de 8:30 à 16:30